ZOU SANGNAUPANG PAWLPI
(The Zou Students' Association)
General Headquarter
FELICITATION & FOUNDATION TRUST AWARD DISTRIBUTION 2017 REPORT
Date : 8 July 2017
Place : Tribal Research Institute Conference Hall, Chingmeirong, Imphal
Chief Guest: Shri V. Hangkhanlian, Honorable Minister Agri. Vety & AH
Functional President: Shri Ginsuanhau Zou MLA, Chairman MANIREDA
Guest of Honour: Smt Mannuamching Zou, IAS, Jt. Secy., Minorities and Other Backward Classes & Scheduled Caste (MOBC & SC)
Chief Host: Shri Chinlunthang Zou, President UZO-GHQ
Order of Program
Compere:Rejoice Mangkhanlian & Lynda
- Opening Prayer: Upa Lamkhothang, Secy Zou Literature Society
- Unveiling of Anthem Track: T. Thongkhanlal, 2nd in Command (2 IC) CRPF - Pu Thongkhanlal ahileh ZSP Anthem ana phuo Pu T. Thongpao tapa upa pen ahi. Khovel mun chin a um Zou sangnaupang te'n vaiguon khat bang khat nei chieng a zah thei zing dinga kibawl ZSP Anthem track honna nei hi.
- ZSP Anthem : Hatbawi Taithul, Muannu, Manhoikim, John Piang leh Khaiminlun te lamkai in mipi peikhem teng in khut zietlam chiet awmphang tunga koi in zatatna lienpi toh ZSP Anthem thupi tah a sah in um.
- Commencement Address: Pu Lalneu Tungnung, President ZSP Imphal Block in vaidawn thugenna tomlou nei a, ZSP Block leh GHQ pangkhawm a vaiguon saina kalsuon michin nousietna kilawm tah mei bawl. Zingunte khat khat a pulahna nei a, Imphal sangnaupangte'n zingunte tungah badge sietna feltah mei in nei uhi.
- Keynote Address: Pu Nengkhosoi, President ZSP-GHQ in zingunte leh mi a'g peikhawm teng nousietna taimel tah in nei a, ZSP Foundation Trust Award pen kum 2010 apat sangnaupangte kitaitet ding deina toh phatuomngai suo a award hing tuokhawmte zal a tatlou a nei tou thei uh ahidan mipi mai ah talang. Zou sangnaupangte lah a laisimna lam a kalsang tawina leh ki demna khansahna dinga ZSP FTA patkhiet a ana um ahidan zong gen hi. President in a genna ah, kum dangin Zou sunga be-le-phung chin in a phung phung a lawchinna neite kipahpina ana sai zing ua, tuomi in nam sunga di'a ga hoilou tu a akimu man in tukum in ZSP GHQ in be-le-phung lamkaite kunga tuobang tawpsan dinga pan ana lah dan uh, tualeh be-le-phung te'n zong ZSPte ngetna anapompia ahidan uh talang a, maban a zong koima'n tuombawl lou leh ZSP nasepna thuop dingin chielna bawl hi. President in agenba jelna ah, kum 2016 apat ZSP in Study Centre cum Library project ana panta ahidan talang a, michin in laibulii pichinna di'a kithuopi chiet dingin ngetna zong bawl hi. Kum 2018 chienga ZSP Diamond Jubilee thupi tah a lop hiding ahidan zong mipi mai a puongkhia in, kisah kholna pat hita ahidan zong gen.
- Chief Host: Pu Chinlunthang, President UZO-GHQ in zingunte, mipite, media chibai bu pum in ZSP nasepna patathuai asah dan gen in, UZO Program and Policy khat - Education and School Policy pen ZSP tungtawn gasuo toujel ding ahidan puongkhia hi. Tam Education and School Improvement policy pienkhietna dinga pan ana la masate patathuai asah dan leh manghil guollou ahidan uh gen hi. UZO in Behiang, Muollum leh Tuining a education system puotha ding plan aneite lah ua, Behiang a pat ahiban ah tunitan chienga class X first division a pass bang umtheita ahidan zong gen hi. Muollum ahileh buoipi lellel ahidan gen a, maban a Tuining lam batbaan a um ding ahidan zong talang hi. Behiang a school puotha ahi tunglai a voluntary a sangsia nasem di'a ana kipekhe masa pen Phamsa Pu M. Soilianmang Zou in a'ng na muolliam sanna tungah UZO leh ZSP a dinga manna lienpi ahidan zong gen hi.
UZO Program & Policy dang khat, Zogal Memorial Cemetry zong tukum - Zogal Centenary ahitoh kituo in kumtawp lam chia honkhiet sawm a pan lah a um ahidan gen a, tukum December chia Zogal Shield tournament zong nasatah a sai a um ding ahidan talang hi. A thuzawna dingin Bihar state sunga Gaya district huomsunga um Manpur block in a huomkha Patwatoli khuo ettonta asah dan leh ZSPte'n copy dia hoi asah thu gen. Patwatoli ahileh khoneu khat, siam ngat a nehtawm suite hima uleh inchin a engineer umsuo ahiban uah, IIT/JEE apat jou zong 200 lam umta ahidan uh gen in ZSP te'n detail study bawl di'n hasotna bawl.
Guest of Honour: Pi Mannuanching Zou IAS, Jt. Secy., Minorities and Other Backward Classes & Scheduled Caste (MOBC & SC) in Psalm 133:1 'Unau khat kitua tah a umkhawm khu bang chituh a hoi leh nuam atai' chi thupi toh thugen patna nei hi. IAS pi'n a genna ah, tuni'n i pei ding dan tah in i pei thei ta ua, ka kipahna ka gen seng jousih ding chi hial hi. Electoral politics toh kum khotuong a buoiden lou ding ahidan, election a bei leh a thu a la beisah a, maban a i nam, i gam, i mite khantouna ding pangkhawm a ngaituo khawm ding ahi chi'n gen hi. IAS pi'n amau hunlai a awards chite jah a zong neikha lou ahiman un tuhun a sangnaupangte hampha ahidan uh, MIL tungtawn a mark percentage bang sang pipi tun theita ahidan gen a, college hoi tahtah a cut-off meimei zong 80/90% bang ngaita ahiman in Zou MIL in nasatah a panpi pha ahidan zong gen hi. Award sang dingte kipahpi thu puong in, maban a tusang a sangzaw sem award deltou ding leh, guntu tah a mailam nawt dingin hanthawnthu gen hi. Tunia award sanga akum kia chia kengiem ahisihleh fail chite khu sim zumhuai tawpkha ahi ban ah, ina hinasa toh kituo lou a hinkho man kichi khu eima leh eima zumna ngen a kidim zing ahidan ama experience apat sangnaupangte thuhilna nei hi. Class XII zaw chia college ingkai chiengin freedom mu kisa in ikihazan jel ua, tuami khu lawsapna bul ana hi khinkhian ahidan chiemte tinten ding leh khovel a competition sang dungjui a tuami face theidia eima leh eima ina ki prepare ngai ahi chi'n gen hi. Sum neilou in Manipur ah sepna mu ding umsih chi'a ngaisutna i na nei zing pen uh paikhiet hun hita, eima i siem pou a ahileh koima'n hing paikhe thei lou, hing paikhe ngamlou ahi chi'n gen a, laisimte'n khotang hinkhuo leh student hinkhuo khensiem poimaw ahiban ah, khotang lamkaite'n zong laisim nalai sangnaupangte tung a expectation ha nei senglou ding poimaw asahdan zong gen hi. Hillary Clinton in dream bigger, raise your sight chi'a ana gen tungtawn in sangnaupangte zong tupna lian nei pum a khodah zing poimaw ahiban ah, i lampeina tupna kichien tah nei a pei ding, lamsuh lam pam a sil umchinteng kisuh buoisah lou ding chi'n gen a, lawchinna dingin i umna mun sangin eima ah kinga lien zaw ahichi'n - its time to wake up and its time to move forward chi'n thuzawna bawl.
Functional President : Pu Ginsuanhau Zou,, Chairman MANIREDA in zingunte, UZO lamkaite, ZSP lamkaite leh mipite zatatna lienpi pia in "ZSP Meritorious Award ki hawm hawm, tunitan be in IAS, SDO chivel khat be um ta ve ua" chi'n chouna lienpi bawl hi. Zou ngaina vawt khat ahina toh a sangnaupangte a hawmthaw seng man in 'ZSP te bang bawl nahi ua, lai sim ve ua, officer lian pipi ihi uh hunta hilou amah' chi'n gen ngainatna lienpi toh thuhilna neivatun hi. Sangnaupang lawching ut ihi leh thumanna leh gin umna tudet tinten apoimaw dan, i nu-le-pate hing kipatna, ne suidan thei zing pumna khapet a pang dingin a momnoute hanthawn a, mutheilou Pasian zatat ding leh muthei leitung pasien i nu-le-pate jabawl ding apoimaw dan nasa deu in tangkoupi hi. Tulai internet khovel ahitaman in social network chituomtuom a thugen pilvang leh thudih suikhe masa chiet ding in sangnaupang leh khanglaite kungah ngetna bawl a, a thuzawna dingin 'laisiem lou nangchi uleh kei tunnna tan tun sawm ve ua' chi'n chouna lienpi toh a hun jou hi.
Chief Guest : Pu Hangkhanlian, Hon'ble Minister Agr. Vety. & AH in "mihingte pen mawzah ding hilou a, zah ding a kibawl vante khu mihing te'n amanpha theipen a ah ding ahi' chi thupil toh thupatna nei hi. Nidang lai a kidemnate ahileh bu-le-bal hau, sa kap chite ahi, hamsatah a kipankhe te ihi, hinanleh tuni chieng in ahileh laisiemna chite ahita man in, i dinmun u zong a sandeu deu ding poimaw hi chi'n gen hi. I kipatna, i nu-le-pate gimthuona kitheimaw bawl a khopi leh mun tuomtuom a mi hausa tate bang a i va hinkha ding uh jauhuai asah dan gen a, sangnaupangte ahileh line tuomtuom competition a ding a train ihi ua, class XII chipen i peina ding uh lampi dihtah juitheina ding a training kipiahna hipan hi. Bang bang lie hitaleh laisiam kichi vallou ahi, eima ikisahkhol masah khu a poimaw pen ahi. Thum thum in nasep a juilou chite i bawllou ding uh ahi, na i sem ding ua, aban a poimaw bang Pasian in hing bawl tham ding ahi chi'n gen hi. I laisiemna pen mi simmawna hi da henla, i siemna pen I society adia vanzah poimaw tah ahi ding ahi chi ban ah I huabu uh mi dangte demlou lou ding a neu tuom hilou ahichi'n thuzawna bawl hi.
Award Distribution: Pu T. Chinkhenpau, General Secretary ZSP GHQ in
- Late Rev T Doupu Meritorious Award (BSEM)
Category: Highest Mark in Class-X Zou MIL
Donor: Pu T. Hangkhanpau
Awardee: Nianghuaizou Mate d/o (L) hang-aikhup Mate & Nemneiching
Address: Tuibuong, CCPur
School: Grace Academy, CCpur (100 marks)
- Late Pu Thangkhanlal Meritorious Award
Category: Overall topper in Class-X
Donor: Pu Chinlunthang
Awardee: Mangminlun Zou s/o Lamsuanpau & Nemneilam
Address: Zoutuinuam, CCPur
School: Salt Brooke School, CCPur (82.66%)
- Late Dr. Michael H.Taithul Meritorious Award
Category: highest mark in English (Class X)
Donor: Pu Grace Niangnuam
Awardee: Mangminlun Zou s/o Lamsuanpau & Nemneilam
Addrress: Zoutuinuam, CCPur
School: Salt Brooke School, CCPur (89 marks)
- Late Dr. T. Tongkhokai Meritorious Award
Category: Highest Mark in Science (Class X)
Donor: Pi Mawinieng
Awardee: Nil
- Late Pu M. Tongzapau Meritorious Award
Category: Highest mark in Mathematics (Class X)
Donor: Pi Jubilee Mawi
Awardee: Mangminlun Zou s/o Lamsuanpau & Nemneilam
Address: Zoutuinuam, CCPur
School: Salt Brooke School, CCPur (91 marks)
- Late Pu Lalpu & Haupu Meritorious Award
Category: Topper in Social Science (Class X)
Donor: Pu M. Jamkholian
Awardee: Nil
- Late Pi Vungkhoching Meritorious Award
Category: Manipur Top 10 in Class-X
Donor: Pu H. Kapneithang
Awardee: Nil
- Late Pu Thangzalang Meritorious Award
Category: Top 25 Rank Hoolder (All India)
Donor: Pu Ginsuanhau Zou
Awardee: Calvin Ginminlian Zou s/o H. Hangkhanpau and Niangboi Hanghal
Address: Shillong
School: St. Edmund's Hr. Sec. School (87%)
- Kapu Saipu Meritorious Award
Category: Class-XII Zou MIL topper
Donor: Upa Khamzathong
Awardee: Merina Chingneimoi d/o Ngamzalal and Nuampi
Address: Tuining Village
School: Sielmat Christian Hr. Sec. School (93 marks)
- Late Pu Suohzahau Meritorious Award
Category: ZSP Class-XII (CoHSEM) topper
Donor: Pu P. Chinzakhup
Awardee: Gideon Doulienthang s/o Paul Paosuonthang & Nienghaulun
Addrress: Sajiktampak
School: Comet School, Imphal (76.60%)
- Late Rev. David K. Samte Meritorious Award
Category: Higest Mark in Arts Stream (Class XII)
Donor: Pi Niangta
Awardee: Kimneinou d/o Khamminthang & Chingzavung
Address: Zoumunnuam
School: Young Pillars College, CCPur (73.60%)
- Late Pu Thangkhenkhup Meritorious Award
Category: Highest Mark in Science Stream (Class XII)
Donor: Dr. S. Ginlunmang Zou
Awardee: Gideon Doulienthang s/o Paul Paosuonthang & Nienghaulun
Addrress: Sajiktampak
School: Comet School, Imphal (76.60%)
- Late Elder T. Gougin, Father of the Zou Meritorious Award
Category: Topper in Commece Stream (Class XII)
Donor: Pu Samuel Tungnung
Awardee: Nil
- Late Pu Jem Douzakham Tungnung VCO/JCO Meritorious Award
Category: Overall ZSP topper in Cl-X under any boards in India
Donor: Pu Gouzalal Tungnung
Awardee: Chingbiakkim d/o T. Khupdoukhen & Chingneilam
Address: Hiangzou
School: St. Paul Institute, CCPur (9.2 Grade)
- Late Pi Chinniang Meritorious Award
Category: Overall ZSP topper in Cl-XII under any board in India
Donor: Pu Ginkhankhup
Awardee: Diana Chingneihoi Suantak d/o S. Sianminlian & S. Chingneikim
Address:
School:
- Late M. Khamzamang Memorial Award
Category: School of the Year
Donor: Pu Hausuanthang
Awardee: Chinkham Modern High School, Zomi Colony, CCPur
Source:
ZOLENGTHE
Connecting the Zo people
